„ვარჯიში რომ წამალი იყოს, მსოფლიოში ყველას ამ წამალს გამოუწერდნენ“ (ემორის უნივერსიტეტის სამედიცინო სკოლა, აშშ). ჩვენი ორგანიზმისთვის ფიზიკურ აქტივობაზე უკეთესი წამალი არ არსებობს. ივარჯიშეთ. ფიზიკურად აქტიური ცხოვრება გვეხმარება, თავი უფრო ბედნიერად ვიგრძნოთ, უკეთ ვიაზროვნოთ, უფრო ენერგიულები და შრომისუნარიანები ვიყოთ. სათანადო კვებასთან ერთად ვარჯიში წონის გაკონტროლებაშიც გვეხმარება. ვარჯიშის დროს არ არის აუცილებელი მკვეთრი და მტკივნეული მოძრაობების გაკეთება. კვირაში რამდენჯერმე რეგულარული და ზომიერი ვარჯიში ძალიან სასარგებლოა. ძუნძული, სირბილი, ველოსიპედის ტარება და სპორტის რომელიმე სახეობით დაკავება, რომლის დროსაც გული შედარებით სწრაფად ცემს და ოფლი გამოიყოფა, გააუმჯობესებს თქვენს ამტანობას და შეამცირებს გულის შეტევისა და
ინსულტის რისკს. აერობიკა, მსუბუქი განტელებით ვარჯიში და ტანვარჯიში ძვლებს, კუნთებსა და კიდურებს გაგიმაგრებთ. ასეთი ვარჯიშები აუმჯობესებს მეტაბოლიზმს, რაც, თავის მხრივ, წონის შენარჩუნებაში დაგეხმარებათ. იარეთ. ვარჯიში ყველა ასაკის ადამიანისთვის სასარგებლოა და ამისთვის სპორტდარბაზში სიარული სულაც არ არის აუცილებელი. ეცადეთ, ზოგჯერ ფეხითაც იაროთ ნაცვლად იმისა, რომ ყოველთვის მანქანით, ავტობუსით ან ლიფტით ისარგებლოთ. რატომ უნდა ელოდოთ ტრანსპორტს, როცა დანიშნულების ადგილამდე შეგიძლიათ ფეხით უფრო სწრაფად მიხვიდეთ. მშობლებო, ხელი შეუწყვეთ ბავშვებს, რომ შეძლებისდაგვარად ეზოში ითამაშონ. აქტიური თამაში გაამაგრებს მათ სხეულს და ხელს შეუწყობს ორგანიზმის სათანადოდკოორდინაციას, რაშიც პასიური გართობა, მაგალითად ვიდეოთამაშები, ვერ

დაეხმარებათ. მნიშვნელობა არა აქვს, რა ასაკში იწყებთ ვარჯიშს. ზომიერი ვარჯიში ნებისმიერ ასაკში სასარგებლოა. თუ ხანში ხართ შესული ან რაიმე გაწუხებთ და გსურთ ვარჯიშის დაწყება, კარგი იქნება, თუ ჯერ ექიმს ჰკითხავთ რჩევას. მთავარია, დაიწყოთ ვარჯიში. ასაკოვან ადამიანსაც კი შეუძლია კუნთების გამაგრება და ძვლოვანი მასის შენარჩუნება, თუ პირველივე ჯერზე ზედმეტად ინტენსიურად არ ივარჯიშებს და თანდათანობით შეაჩვევს ორგანიზმს მოძრაობას. ეს ხანდაზმულებში დაცემის

ალბათობასაც შეამცირებს. სწორედ ვარჯიში დაეხმარა პირველ სტატიაში მოხსენიებულ რუსტამს. შვიდი წლის წინ მან და მისმა მეუღლემ დილაობით, კვირაში ხუთ დღეს, ძუნძულით სიარული დაიწყეს. რუსტამი იხსენებს: „თავიდან ვცდილობდით, რამე მოგვემიზეზებინა და სარბენად არ წავსულიყავით. მაგრამ რახან ორნი ვიყავით, ერთმანეთს ვახალისებდით. ახლა ეს სასიამოვნო და სასარგებლო ჩვევად გვექცა“.

               როგორ ვიკვებოთ ჯანსაღათ

თუ თქვენი მიზანი სწორი კვება გახლავთ და გგონიათ მისი დაცვა ძალიან რთულია, შევეცდებით ეს სტერეოტიპი დავანგრიოთ.

ჩვენ გასწავლით, როგორ უნდა დაიწყოთ სწორად კვება პატარ-პატარა ნაბიჯების გადადგმით.

დაიწყეთ უშაქრო ყავისა და ჩაის მიღება

კვლევები აჩვენებს, რომ დიაბეტების უმეტესობა გამოწვეულია დიდი რაოდენობით შაქრის მიღებისაგან, თუმცა ამას მხოლოდ ხელოვნურად დამზადებული გაზიანი სასმელების მიღება არ იწვევს.

არაერთი კვლევა აჩვენებს, რომ ასევე საზიანოა  შაქრიანი ჩაისა და ყავის მიღებაც.

კერძოდ, კვლევების თანახმად, კოფეინის მიღება  შაქრის გარეშე ამცირებს დეპრესიის, კოგნიტური აშლილობის რისკს, ხოლო ჩაის მიღება კი ამცირებს ინფლამაციას, პრევენციას უწევს კიბოს და იცავს კანს.

ყურადღება მიაქციეთ, რას უკვეთავთ რესტორნებში

შეუკვეთეთ რამე სასარგებლო და ნუტრიტებით სავსე, თუ აჰყვებით სხვას, თქვენი მეგობრები თუ პიზას მიირთმევენ, არ არის აუცილებელი თქვენც იგივე ჭამოთ.

შეწყვიტეთ არაჯანსაღი საკვების ყიდვა

მარტივია იყიდოთ ჩიფსი ან ორცხობილები და თავი იმით გაიმართლოთ, რომ ეს თქვენს მეგობრებს ან ოჯახის წევრებს მოეწონებათ და სწორედ მათთვის ყიდულობთ.

შეცვალეთ თქვენი არჩევანი სხვა სასარგებლო

ეცადეთ თითოეული კვება მინიმუმ  20 წუთი გაგრძელდეს

თუ  საჭმელად 20 წუთზე დიდხანს დასხდებით, უფრო მოსალოდნელია, რომ ნაკლები მიირთვათ და უფრო ნელა, ვიდრე მაშინ, როცა საჭმელად 10 წუთით სხდებით, ყველაფერს სწრაფად ჭამთ, ორგანიზმი კი ვერ ასწრებს საკვების რაოდენობის დადგენას და მალევე გშივდებათ.

დაწერეთ კვების განრიგი წინასწარ

ჩამოწერეთ მთელი კვირის საკვების შემცველობა წინასწარ, ასე უფრო მცირეა იმის შანსი რომ კვების რაციონს გადაუხვევთ. და ნუტრიტებით სავსე საკვებით. ეს დაგეხმარებათ იკვებოთ უფრო ჯანსაღად.

                                 ცურვა

განუზომელია ცურვის მნიშვნელობა ადამიანის ჯანმრთელობის განმტკიცებისა და ფიზიკური სრულყოფის საქმეში. სისტემატური ვარჯიშები ცურვაში ახდენს კეთილსასურველ ზემოქმედებას ორგანიზმზე: აუმჯობესებს გულ-სისხლძარღვთა და სასუნთქ სისტემებს და აწესრიგებს ნივთიერებათა ცვლას. ცურვის დროს მოცურავის კუნთები დინამიკურ მუშაობას ასრულებენ. მოვარჯიშეებს უვითარდებათ კუნთური ძალა. ცურვისას მუშაობაში ჩართულია ყველა ძირითადი ჯგუფის კუნთები, რაც ხელს უწყობს ადამიანის ჰარმონიულ განვითარებას.

ცურვის დროს სუნთქვა სრულდება რთულ გარემო პირობებში. ჩასუნთქვის და განსაკუთრებით კი ამოსუნთქვის დროს მოცურავეს უხდება წყლის წინააღმდეგობის დაძლევა. ამის გამო ეს სახეობა ერთ-ერთი ეფექტური საშულებაა სასუნთქი კუნთების განვითარებისათვის. ფილტვების სასიცოცხლო ტევადობის მიხედვით მოცურავეებს, სპორტის სხვა სახეობების წარმომადგენლებთან შედარებით, ერთ-ერთი პირველი ადგილი უჭირავთ.

სხეულის ჰორიზონტალური მდგომარეობა ცურვის დროს აადვილებს გულის მუშაობას, რადგან ამ პირობებში სისხლის მოძრაობას სიმძიმის ძალა არ ეწინააღმდეგება. გულის მოქმედებისათვის დადებითი ფაქტორია ჩონჩხის კუნთების რიტმული შეკუმშვა, რომელიც შეესაბამება ღრმა სუნთქვას, რაც აძლიერებს გულისკენ ვენური სისხლის მოდენას და ხელს უწყობს გულის კუნთების განვითარებას.

დიდია ცურვის მნიშვნელობა ადამიანის ნერვული სისტემის ფორმირებაზე. სპორტის ამ სახეობაში ვარჯიში ამცირებს ზედმეტ აღგზნებადობას და ნერვულ დაძაბულობას, ადამიანი ხდება მშვიდი და უფრო გაწონასწორებული.

ცივ წყალში ადამიანის დიდი ხნით ყოფნამ შეიძლება გამოიწვიოს სხეულის გადაცივება, მაგრამ მოცურავეებს სხეულის ტემპერატურის შენარჩუნების უზრუნველყოფის პროცესები უფრო სრულყოფილი აქვთ, ვიდრე არაადაპტირებულ ადამიანებს. ამდენად, ცურვა ორგანიზმის გაკაჟების ერთ-ერთ ეფექტურ საშუალებადაც ითვლება.

ცურვა ადამიანის აუცილებელი სასიცოცხლო მოთხოვნილებაა და ამიტომ ყველა უნდა ფლობდეს მას. ცურვის არცოდნის გამო ჯერ კიდევ მრავალია უბედური შემთხვევა, წყლის სტიქიის მსხვერპლი.

ზრუნვა ცხოვრების  ჯანსაღი წესის დასამკვიდრებლად რაც  შეიძლება ადრე უნდა დაიწყოს, რადგან ჯანმრთელობისთვის საზიანო ცხოვრების სტილის სათავე  ბავშვობაში და, განსაკუთრებით, მოზარდობის პერიოდშია საძიებელი. ამერიკელმა მკვლევარებმა გამოყვეს 6 სახის ქცევა, რომლებიც იწვევენ ავადობას,

სოციალურ პრობლემებს და, ხშირად, სიკვდილსაც. ესენია: თამბაქოს მოხმარება, არაჯანსაღი კვება, არაადეკვატური ფიზიკური აქტივობა, ალკოჰოლისა და ნარკოტიკების მოხმარება, სქესობრივი ქცევა, რომელმაც შეიძლება გამოიწვიოს აივ ინფექცია ან სქესობრივი გზით გადამდები სხვა ინფექციები, ქცევა, რომელიც უბედური შემთხვევებისა  და  ძალადობის  მიზეზი ხდება.